შვეიცარიის ფედერალურ რკინიგზაში (SBB) აღმოაჩინეს, რომ 19 სექტემბერს გამოსულ ახალ ოპერაციულ სისტემა iOS 6–ის iPad –ის Clock აპლიკაციაში გამოყენებულია საათის დიზაინი გრაფიკული დანაყოფებით ციფრების ნაცვლად, შავი ფერის საათისა და წუთების ისრით და წითელი  წამის ისრით. 

19 სექტემბერს 30 წელი შეუსრულდა ეგრეთ წოდებულ „სმაილიკს“ – ინსტრუმენტს‚ რომლის საშუალებითაც ინტერნეტ­მომხმარებლებს თავიანთი ემოციების გადაცემა შეუძლიათ. 1982 წელს ქალაქ პიტსბურგში (პენსილვანიის შტატი) კარნეგიმელონის უნივერსიტეტის პროფესორმა სკოტ ფალმანმა პირველადგააგზავნა ელექტრონული შეტყობინება – პიკტოგრამა‚ რომელიც ემოციის სიმბოლური გამოსახულება იყო.

ჩილეში სერო­ტოლოლოს ობსერვატორიაში დაყენებულმა ასტრონომიულმა ციფრულმა კამერამ „DEC“ (Dark Energy Camera)‚ რომლის მატრიცის გარჩევადობა 570 მეგაპიკსელის ტოლია‚ ღამის ცის პირველი გადაღებები გააკეთა და ბნელი ენერგიის ძებნას შეუდგა.

შტატ ტეხასის საშუალო სკოლებში ნერგავენ  სპეციალურ საიდენტიფიკაციო ბარათებს მოსაწვლეების ადგილმდებარეობის ამოსაცნობათ. განახლებულ ბარათებში ჩაშენებული იქნება სპეციალური რადიოსიხშირის იდენტიფიცირების  მიკროჩიპები (RFID), რომლებიც გამოიყენება ბარათის მფლობელის ადგილმდებარეობის დასადგენად.

ჩინურმა კომპანია Oppo–მ დააანონსა Oppo Finder 5 – პირველი ტელეფონი 1080p (1920 × 1080 პიქსელი) ეკრანით. Oppo Finder 5 აღჭურვილი იქნება ხუთ დიუიმიანი ეკრანით გაფართოებით 441 პიქსელი ერთ დიუიმზე. კომპანიის ხელმძღვანელმა ჩენ მინიენმა განაცხადა, რომ ამ მაჩვენებლებით Oppo Finder აღემატება iPhone –ს (326 პიქსელი დიუიმზე) და Nokia Lumia 920 (331 პიქსელი დიუიმზე).

სამხრეთ კორეულმა კომპანია LG Electronics–მა გამოიტანა 4 ბირთვიანი პროცესორის Qualcomm Snapdragon S4 Pro ბაზაზე, ტაქტური სიხშირით 1, 5 Hz high-end კლასის Android სმარტფონის ახალი მოდელი – მაღალწარმადობის და ფუნქციონალური Optimus G. დღესდღეობით ეს გახლავთ მობილური მოწყობილობებისთვის ყველაზე მაღალწარმადობიანი პროცესორი. ოპერატიული მეხსიერების მოცულობა – 2 GB, ჩაშენებული ფლეშ–შემგროვებელი – 32 GB.